Schwyzerörgeli-Formation Siebäsiächä - 1
Finalsendung 9. Innerschwyzer Brauchtum im Schallanden der Eichhof Brauerei in Kriens
Finalsendung 9. Innerschwyzer Brauchtum im Schallanden der Eichhof Brauerei in Kriens

Volkskultur

Musik

Schwyzerörgeli-Formation Siebäsiächä

Küssnacht am Rigi

Mier sind drüü gselligi, luschtigi und fröhlichi Jungs wo freud hend zämä z Musigä und sirrachä. Wenn mier zämä unterwägs sind, hemmers immer diänig und es wird vill g'lachät, prichtät und gspunnä. Mit üs hedmers sällte langwilig denn es gad immer öppis; Sigs amänä Fäscht, bem kaffänä be öpperm dihei oder eifach under üs!

Ganz ursprünglich aagfangä hed die ganz Situation eines Tages wo dä Herr Buecher (alias Buechi) und de Herr Hodel (unter Kollegen auch Hödi genannt) als Büeblä sich känne gleert hend. Sie hend denn ab und zuä, bi schönem Wätter zämä ufem Balkon gmusiget und d Nachbere verruckt gmacht. Im Herbst 2007 sind diä zwee denn, zämä mit de Trachtägruppä, ufnä Usslandreis is Düütschä. Mit im Gepäck auno en früschbachnä Bassischt wo d Trachtämusig, ushilfswiis, unterschtütz hed. Buecher und Hodel hend die Chance sofort gnütz und hendnä für sich chönnä gwünnä. Uf dä Heireis denn, hend diä Drüü nüd bessers gwüsst, als a dem 27. Oktober 2007, um 21:30 Uhr irgend ufere Autobahnraststette, irgendwo in Düütschland, dä Bass und die zwoi Örgäli us z packä und dettä no i voller Luutsterchi z musigä. Sitthär gits üs ofiziell als Formation.

Mier wärdid öppädiä wieder gfragt: "Wiso heissid ier eigentlich Siebäsiächä?" Uf diä Frag gits 100 Antwortä, aber keini isch wedär richtig nu falsch!

- Mier sind drüü + no d Fründin fu jedem + dä Foxi = 7

- Diä andere Vier sind scho defo gluffä

- A diä einte Uftritt gönd mier, adi andere Uftritt diä andere vier

- Bimänä Casting sind vier usäghiit...

Dä waahri Grund für üsä Namä isch däär, dass mier echli en orginellä Namä hend wellä, wo mer fu dä andere chan unterscheide und so "Echo vom..." oder "....Buebe" isch üs eifach z langwilig gsi. So sind mier uf dä Namä Siebäsiächä cho, will der au d Bedüütig vu öppis anderem, vu öpper ander wo ned glich isch wie die andere, hed. Und wem das immer nunig längät, dem sägid mier: Mier sind d Siebäsiächä, denn dertig sächs, wie mier füüf, gits keini vier, mier drüü, sind diä zwee einzigä.!

Adresse

6403 Küssnacht am Rigi

Kontakt

Schwyzerörgeli-Formation Siebäsiächä
Daniel Dober
6403 Küssnacht am Rigi
siebaesiaechae@hotmail.com
077 432 40 69

Kategorie

  • Ländlermusik
  • Schwyzerörgeli

Anzahl Musikanten / Sänger bei öffentlichen Auftritten

  • Trio

Webcode

schwyzkultur.ch/DtMi61