Ischäller-Gruppä Pfäffike SZ

Eine sehr alte Tradition ist das Einschellen im Dorfe. Mit über 30 Mitglieder ist diese Gruppe die Grösste der Pfäffiker Fasnacht.

D’Ischäller-Gruppä Pfäffike SZ beschtaht sit ungefähr 90 Jahr und isch en Untergruppe vu de Fasnachtgsellschaft Pfäffike SZ gsi. I de letschtä Jahr isch de Wunsch ufcho, dass mer sich löst und en eigne Verein gründet. Das isch jetz Tatsach worde. Am Dunschtig, 6. Juli 2023, hend sich 25 Gründigsmitglieder im Gasthof Seefeld troffe zur Gründig vum Verein: Ischäller-Grupää Pfäffike SZ. Sit bald 20 Johr sind vieli jüngeri Mitglieder id’Ischäller-Gruppä cho und händ de Plausch dra mitzmachä. Sicher drum wells bi eus locker vom Hocker lauft und nüd alles nach schturä Vereinsstatute oder feschte Schtrukture ablauft. Euse Haupttag isch natürlich de Drü-Königstag wo mir s’Fasnachtsischälle im Dorf pfläged, wo au immer praktisch alli Mitglieder debi sind. Underem Johr simmer öppe amene Umzug, anere Geburtstagfiir, amene Trichleträffe oder suscht amene Alass, i chlinere Gruppe azträffe. Stolz simmer au uf eusi Geisslechlöpfer wo regelmässig träniered, dass si nöd zur Üebig us chömed. Am Johrmärt z’Pfäffike füeremer sit afangs Johrhundert s’Ischäller-Zält zum euseri Kasse e chli ufzstockä.